天才一秒记住【做客中文网】地址：https://www.zk01.net
有只教室奇怪地传出了鸡叫声，这只鸡的声音又尖又颤。
系五年级女老师发出的。
我听了又听，明白系一篇叫做《半夜鸡叫》啯课文，讲一个叫做周扒皮啯地主，为了喊长工早起下地干活，半夜起身学鸡叫。
我先系觉得爽逗，跟手我谂起我老豆同阿婆……
……我理所当然睇到啯比人多，我在高处……
只要留在树上，或者瓦背顶，你睇到啯就一定多过人。
樖大人面果树啯树叶在秋天闪闪发亮，如果你冇见过人面果，就想象下荔枝先，人面果，大过龙眼细过荔枝，如果系最细啯青皮荔枝，人面果啯大小形状就差无多，不过它冇有荔枝阿层粗糙皮，同李子一样，皮同肉连一处，人面子绝不甜，比世界上任何水果都酸，所以它不是水果，而是一种菜……秋天时径，树上结满人面果，不要等它变黄，变黄肉就泄掉了。
使竹篙打树叶，将果子打落，够无到就搬竹梯，人面果不怕跌，坚得似石头……落到厨房，厚刀猛一拍，拍扁，摆入碗放在豆豉上，加油渣至好，摆饭面上蒸，饭一好，就好嘞。
就系啯一味，晚晚蒸一次，三餐都要吃。
有次我在人面果树杈透过屋顶亮瓦望见一个女人凑在光窗跟前。
佢手里攞住一沓纸片，一张张翻住睇，佢间房好窄，人面树挡住光，几黑啯。
门口有空地，风炉偏要摆在屋企头……我不免担心烟要熏到佢，果然我就闻有咳嗽声……我攀住最长一杈树杈到佢瓦背顶，打一片亮瓦睇落去，无衷佢手里阿沓纸片系特别靓嘢咩？我在佢头顶上，似孙悟空，眼聚起一束光，直打到佢手上啯沓纸片，一反光，闪出一个光身女人，我头壳后尾枕“嗡”
一阵。
第二日，我谂紧阿啲相，又打人面子树跳落佢瓦背顶，阿片亮瓦着我使涎水加树叶擦到擸擸亮，我见佢打床下底拖出半篮碎木炭，木炭冇一丝烟，在风炉里红红啲，风炉上坐只细锑锅，佢关紧门，坐在靠窗床沿……有几日我见到佢粘信封，有几日我见到佢粘纸盒，啯啲纸盒同牛皮纸堆在小柜隔篱，越堆越高，歪歪斜斜，我担心佢哋随时着跌倒。
当摇摇欲坠时，就会有一个更老啯妇娘来收走。
我不明白一个女人做咩要睇女人啯光体照片……将近五十年之后我知道有一种人叫做同性恋，但她显然无系。
渠亦睇一个男人啯照片，阿个人西装领带头发油光光。
啯只女人好睇得多过菊姆，虽然佢屎忽同菊姆一样大，但佢腰又细又软，而且面好白，眼又大又黑……我断定相片啯女人就系佢本人，系以前啯佢，除头发冇像……佢后生啯阵时额头上一排齐整刘海……有日晏昼落细雨，噉啯天气只有狗才出屋，我披番蓑衣像只刺猬出了门，文况表叔摊在躺椅上睇瓦背顶上啯瓦，我知佢谂白寡妇，本来打算同佢讲，我要去东门口书摊睇公仔书，睇佢眼定定我就不打扰了。
我在巷口一闪就撩上树，树叶积啯雨统统扫到我身上，蓑衣唰唰响……我沿住人面果树来到阿片瓦背顶。
屋里果然一片昏暗，我将面贴到亮瓦上辛苦张望，这时有光一闪，我一望，系镜闪光，我一望，吃一大惊吓，佢窗了件闪闪旗袍，绿绸上更绿啯花，绸缎软笪笪贴在佢身上，佢挺住奶坨使一把梳头镜佢身形，照完奶波嚿又照佢腰，佢仲将佢大屎忽撅起身。
这种旗袍我母亲亦有，啯阵时我在瓦顶，我母亲梁远美正躲在广州的亲戚屋企，对外讲系老家啯保姆，来帮带细侬。
仲要再过半年，她才渡得过阿片海水到达香港，浪涛汹涌。
这一切，我三十年后才知道。
雨落大了。
旗袍妇娘去门后面拉拉门栓，又望望光窗外底，外面系一樖枇杷树，叶大树杈细，相当于一幅窗帘。
佢脱掉木屐，连旗袍向**一倒。
阿时径我视力超凡，骑在一樖叶大树杈多啯枇杷树上，透过雨水淋湿啯亮瓦，睇见阿张**照片，阿上头冇系别人，正系佢自己，虽然佢老了十岁，我都一眼就认出佢。
佢下巴有粒痣。
本章未完，请点击下一章继续阅读！若浏览器显示没有新章节了，请尝试点击右上角↗️或右下角↘️的菜单，退出阅读模式即可，谢谢！