天才一秒记住【做客中文网】地址：https://www.zk01.net
白寡妇巷里有樖大桑树，渠屋企大，一簸簸蚕摆在地上。
无知系有桑树才养蚕，或系因祖辈养蚕才种了桑树。
总而言之，渠啯桑树叶几肥啯，执都执无尽，渠啯桑蚕源源不断。
细细、皱皱、青青，吃了桑叶就屙出屎。
然后变白，变透亮，肥肥饱饱，吐出丝，结成茧……我吃过白寡妇送来啯油煎蚕蛹，又香又脆吃得我满嘴流油……
言归正传，次次表叔执只布袋出门口，我就知佢八成要去揾白寡妇。
佢将布袋缠在手上捉住，袋底鼓出，发出油香，系芥菜包啯形状，即使包了一层大蕉叶佢啯油气都可以渗出。
有时系花生米，有时系番瓜子，有一次系煎鱼。
表叔前一晚煎好鱼总记得畀我两条，手指头大细，我每条分三口吃净，系我两岁以后食到啯人间至味。
到晚黑，趁佢睡着，我揾到挂在屋梁上啯挂篮，夜深人静啯睡气中，煎鱼香味更加活跃，开始在房梁上**秋千，整得我一边打恰浪一边流口水。
终究无计可施。
表叔出门转右，再转左。
无使盯梢我也知渠去歆哋……煎鱼啯香气惊心动魄，它缭绕到阿樖大桑树底，桑叶闻到煎鱼的香气亦发出沙沙响，讲实在的，系我啯肚发出啯沙沙声……我尾随香气飞奔到桑树条巷，快快攀上树……表叔打布袋翻出一嚿芭蕉叶包住啲嘢，他解开芭蕉叶，煎鱼的香味热烈地冲破亮瓦像蚊蠓一样乱纷纷，我望见渠使手指捻起至大阿条（有拇指般粗细）送入白寡妇嘴里。
她嘴在动，身也在动。
我企在他们上方的瓦顶他们一无所知，两人发出的腥气盖过了煎鱼的气味，透过亮瓦升了上来，对付啯啲嘢，我只有屙一泡尿……哗哗热尿落在亮瓦上，我希望尿水打某个瓦罅漏下去，滴到表叔的光屎忽至好，但非我所愿，尿水沿着一块块叠着的瓦片流到檐头，滴入门檐的一口缸，缸里种着几樖细葱，阵阵猛尿系飞来横祸（人尿不稀释，小葱会被烧焦）。
两人一点都没觉察……
我打西门口瓦背顶跳到照相馆银行去公园鸡蛋花树，再搭乘玉兰树万寿果树马尾松树到桥头最大阿樖榕树上，一跳就落到县二招瓦背顶，沿住火烧街竹器店米粉铺同打铁铺我落到一樖苦楝树上，当我弯下腰去执一粒苦楝子时，见到个男人驼住背在屋里写字，佢头发长长似只颠佬，佢写啊写，忽然抬头向瓦背顶睇，我以为佢发现我，但冇系，我觉得系佢惯常啯姿势。
佢向顶上睇，又猛拧头，之后佢就将纸拨一边，企到木凳后头踎起马步。
佢一动不动，一郁冇郁，像屙屎，但显然冇系屙屎，因为佢穿住裤。
佢一动不动……我打瓦上行到隔篱做芥菜包只铺头，见龅牙女人切咸菜，厨房有冇有一碗白粥呢，白粥同咸菜，啯两样天生绝配，我探头望下底，望得自己有啲肚饿了。
佢饭台堆满别样嘢：米粉、油渣、花生碎，仲有绿色芥菜叶。
切碎啲咸菜同花生、油渣捞一起，大海碗啾啾响，香气升上瓦背顶，打瓦罅钻入我鼻窿。
佢使一只小调羹装啲啲，鼻屎大，放入米粉中间，捻圆，揸扁，使芥菜叶包好，一只芥菜包就包好了。
趁佢上煲蒸我赶紧行开，衫袋冇银纸，我冇想畀龅牙女人斜我一眼，佢眼白仲大过鸡蛋。
行过苦楝树时我谂起陈地理，阿个踎住马步啯男子佬，我打亮瓦向下望，佢仲像头先时踎住马步像屙屎。
听闻讲，想做神仙可以噉样企住半日一动不动，我冇知佢系颠佬系神仙。
为弄清啯件事，冇事时径我周时去佢瓦背顶，亮瓦下，佢啯簿写了好几本，纸越来越多，啲纸上印了一道道横线，系啲表格。
佢使墨水笔在上头写啲蚊蠓大啯数字。
蚊蠓飞舞，黑麻麻一片，我见到蚊蠓飞入佢头壳。
啯间屋冇似正常屋企，冇米缸尿缸，亦冇有挂在房梁，冇挂篮，有一部电话机，我两岁之前见过电话机，不过好多事我冇记得了……电话?嘚?嘚响到震耳，佢讲电话：“系，我系陈地理。
哦哦，王经理，好嘅，我睇下，呢个，呢个。”
放下电话佢有啲心烦，肯定系表上啯黑蚊蠓整佢头痛，佢抌抌头又抌抌腰，啯阵时我睇佢既冇似颠佬，亦冇似神仙，而像只生病老嘢。
星期六我去睇了场《我们村里的年轻人》，系学生包场啯。
本章未完，请点击下一章继续阅读！若浏览器显示没有新章节了，请尝试点击右上角↗️或右下角↘️的菜单，退出阅读模式即可，谢谢！